amertalemi
الجماعة الي بستفسرو عن الدبلوم المهني لإعداد و تأهيل المعلمين قبل الخدمة -أكاديمية الملكة رانيا-
سؤال وجواب (الدبلوم العالي لإعداد وتأهيل المعلمين/مبتعثين+نفقه خاصة) .
١- شو التخصصات المسموحه بالدبلوم؟
رياضيات -انجليزي-عربي-علوم بكافة فروعه-ومعلم صف
٢- كم سعر الساعة؟
الساعة ب ٧٠ د
٣- كم عدد الساعات؟
٢٧ ساعة (٢٤ ساعة منهم عبارة عن ٣ جلسات موزعين عالفصلين+ مادة حرة اونلاين ٣ ساعات)
٤- كيف طبيعة الدوام؟
الدوام بختلف من جامعة لجامعة
في جامعات كان ٣ أيام بالاسبوع من ال٨ لل١٢
وفي جامعات كان يومي من ال٩ لل ٢ ونص
٥- بأي جامعات البرنامج ؟
الأردنية (فرع العقبة لأ) / اليرموك/ مؤتة / الهاشمية
٦- بقدر اكمل شغلي بالمدرسة الخاصة وادرس دبلوم؟
لأ، لازم تفرغ تام لانه بين كل فترة وفترة في تدريب يومي إلزامي بالمدارس الخاصة والحكومية
٧- كيف نظام الدراسة
محاضرات بدون امتحانات
الواجب بكون تقارير وبحوث وحصص تدريس
٨- صعب البرنامج ؟؟
مو صعب ومو سهل بده اجتهاد واهتمام وتفرررررغ
٩- بشو بخدمني ؟ (للمبتعثين )
أي حدا بطلعله الدبلوم على حساب الوزراه يروح عليه لأنه منتهي بالتعيين
مجرد ما تتخرج بتصير اجراءات الوزاره عشان تباشر عملك حسب شاغر اللي محجوز بإسمك من أول الإبتعاث + تعفى من دورة معلمين جدد+ تدخل برتبة معلم مساعد مباشرة +علاوة ٣٥% على الراتب الأساسي .
١٠- بشو بخدمني ؟ (النفقة الخاصة )
بتفتح إلك ابواب كبيرة بالمدارس الخاصة وبالخليج لأنه بقدم خبرة مميزة + ٥ نقاط تنافسية + تعيين للأوائل.
١١- كيف بقدر أسجل ؟
للمبتعثين لازم يكون قدم امتحان تنافسي+ مقابلة وحصل أعلى العلامات
للنفقة الخاصة بدأ التسجيل من أسبوعين بالجامعات
١٢- كيف بعرف إنه طلعلي دبلوم ؟؟
راجع حاله الطلب ع تطبيق سند بتلاقيها فاضيه
١٣- في بدل مواصلات؟
للمبتعثين فقط مجموعهم ٩٠ مقسمين ع دفعتين كل دفعه بتنزل ببنك القاهرة بعد ما تنزل العلامات
١٤- سمعت في كفالة عدلية؟
نعم للمبتعثين لازم يوقع عقد مع الوزارة ويقدم كفالة بقيمة المنحة بالمحكمة بالعادة بتكون قوشان بيت أو أرض فقط
ومرات سيارة أو راتب تقاعد
حسب تعاون المحكمة معك.
١٥- في رسوب ؟؟
اه في رسوب في حالة الغياب وعدم الالتزام بتسليم الواجبات والغياب عن التدريب وبهاي الحالة بتخسر منحتك وتعيينك وبتدفع قيمة كلشي .
١٦- بقدر اشتغل مسائي ؟؟
اه بتقدر المهم ما يأثر على البرنامج
١٧- بقدر اقدم عليه وظيفة إداري ؟؟
لأ هو دبلوم مهني حتى لو اسمه دبلوم عالي
لا يعتبر درجة علمية
١٨- طب ماجستير والا دبلوم الأكاديمية؟؟ (للنفقة الخاصة)
القرار برجعلك حسب انت شو شايف حالك بعد كم سنه
كل واحد بفتحلك طريق
١٩- كم تكلفة الدبلوم كامل ؟(للنفقة الخاصة)
حوالي ٢٧٠٠د مع الرسوم
٢٠- طب في دفع للمبتعثين ؟
اه بتدفع رسوم التسجيل وقيمتها ٢٠ بس مش كل الجامعات
وبتدفع براءة ذمة بس تتخرج برضه مش كل الجامعات
٢١- طب بالنسبة للتدريب بالمدارس بقدر اختار مدرسة قريبة ع بيتي ؟
للاسف انت وحظك بس الأكيد انه المدراس بتكون قريبة من الجامعة عشان المدرسين يتمكنوا من زيارتكم كل أسبوع .
٢٢- طب واذا طلعلي دبلوم وما بدي أروح ؟
تعتبر مستنكف
مع العلم في ناس طلعلهم الدبلوم واتعينوا معنا بس طبعا ضل تعيين موقف لحد ما اتخرجنا وكمان بسبب وجود شواغر الهم غير عن شواغرنا
٢٣- يعني أروح والا ما أروح؟؟
روح طبعا فرصة لا تعوض وال٩ شهور بتمرق بسرعة
٢٤- طب ممكن يتعين حدا وانا بدرس دبلوم(مبتعث) ؟؟
ممكن يتعين اسم أو اسمين بتكون حالات إنسانية
بس مش كل الألوية طبعا
#منقوووول
